കിയ സെൽറ്റോസിന് മിഡ്-എസ്‌യുവിയില്‍ ഏറ്റവും ഉയർന്ന റീസെയിൽ മൂല്യം

ഓട്ടോകാർ ഇന്ത്യ–സ്പിന്നി പഠനത്തിൽ സെൽറ്റോസിന്റെ 79% മൂല്യം നിലനിർത്തുന്നു

ന്യൂഡൽഹി, ജൂൺ 26, 2026: രാജ്യത്തെ മുൻനിര മാസ്-പ്രീമിയം വാഹന നിർമാതാക്കളിലൊന്നായ കിയ ഇന്ത്യ, ഏറ്റവും പുതിയ ഓട്ടോകാർ ഇന്ത്യ യൂസ്ഡ് കാർ സ്റ്റഡി (നാലാം പതിപ്പ്) റിപ്പോർട്ടിൽ കിയ സെൽറ്റോസ് മിഡ്-എസ്‌യുവി വിഭാഗത്തിൽ ഏറ്റവും ഉയർന്ന റീസെയിൽ മൂല്യമുള്ള വാഹനമായി തിരഞ്ഞെടുക്കപ്പെട്ടതായി പ്രഖ്യാപിച്ചു. സ്പിന്നിയുമായി സഹകരിച്ച് നടത്തിയ പഠനമനുസരിച്ച്, കിയ സെൽറ്റോസ് പെട്രോൾ-ഓട്ടോമാറ്റിക് മോഡൽ ആദ്യ വർഷത്തിന് ശേഷം 79% മൂല്യം നിലനിർത്തി, ഇത് അതിന്റെ വിഭാഗത്തിലെ ഏറ്റവും ഉയർന്ന നിരക്കാണ്. മികച്ച ഉടമസ്ഥാവകാശ അനുഭവം, ഉപഭോക്തൃ വിശ്വാസം, ദീർഘകാല മൂല്യ സംരക്ഷണം എന്നിവയ്ക്കുള്ള തെളിവായാണ് ഈ നേട്ടം വിലയിരുത്തപ്പെടുന്നത്.

പഠനത്തിൽ സെൽറ്റോസ് പെട്രോൾ-ഓട്ടോമാറ്റിക് മോഡൽ അഞ്ച് വർഷത്തെ ഉടമസ്ഥാവകാശ കാലയളവിലും മികച്ച മൂല്യ സംരക്ഷണം കാഴ്ചവെച്ചതായി കണ്ടെത്തി. വാഹനം ഒരു വർഷത്തിന് ശേഷം 79%, മൂന്ന് വർഷത്തിന് ശേഷം 67%, അഞ്ച് വർഷത്തിന് ശേഷം 57% മൂല്യം നിലനിർത്തി. സെൽറ്റോസ് ശ്രേണിയിലെ വാഹനങ്ങൾ ശരാശരിയായി മൂന്ന് വർഷത്തിന് ശേഷം 66%യും അഞ്ച് വർഷത്തിന് ശേഷം 55%യും മൂല്യം നിലനിർത്തുന്നതായും റിപ്പോർട്ട് വ്യക്തമാക്കുന്നു. ഇത് മിഡ്-എസ്‌യുവി വിഭാഗത്തിലെ ഏറ്റവും മികച്ച പ്രകടനമാണ്.

ഈ നേട്ടത്തെക്കുറിച്ച് പ്രതികരിച്ച കിയ ഇന്ത്യയുടെ സീനിയർ വൈസ് പ്രസിഡന്റും മാർക്കറ്റിംഗ് & സെയിൽസ് മേധാവിയുമായ അതുൽ സൂദ് പറഞ്ഞു: “ഒരു വാഹനത്തിന്റെ റീസെയിൽ മൂല്യം ഉപഭോക്തൃ വിശ്വാസത്തിന്റെയും ഉൽപ്പന്നത്തിന്റെ ജനപ്രീതിയുടെയും ദീർഘകാല ഉടമസ്ഥാവകാശ ആത്മവിശ്വാസത്തിന്റെയും ഏറ്റവും വ്യക്തമായ സൂചകങ്ങളിലൊന്നാണ്. കിയ സെൽറ്റോസിനോടുള്ള ഉപഭോക്താക്കളുടെ വിശ്വാസവും അതിന്റെ ഗുണമേന്മ, പ്രകടനം, സാങ്കേതികവിദ്യ, ഉടമസ്ഥാവകാശ അനുഭവം എന്നിവയോടുള്ള അംഗീകാരവുമാണ് ഈ പഠനഫലങ്ങൾ വീണ്ടും തെളിയിക്കുന്നത്.”

ഇന്ത്യയിൽ അവതരിപ്പിച്ചതിനുശേഷം മുതൽ ബോൾഡ് ഡിസൈൻ, ആധുനിക സാങ്കേതികവിദ്യ, സമഗ്ര സുരക്ഷാ സവിശേഷതകൾ, മികച്ച പ്രകടനം എന്നിവയിലൂടെ കിയ സെൽറ്റോസ് വലിയ സ്വീകാര്യത നേടിയിട്ടുണ്ട്. ഇതുവരെ ഇന്ത്യയിൽ 6.5 ലക്ഷം യൂണിറ്റിലധികം സെൽറ്റോസ് വാഹനങ്ങൾ വിറ്റഴിക്കപ്പെട്ടിട്ടുണ്ട്.

കുറഞ്ഞ മൂല്യത്തകർച്ച, മികച്ച എക്‌സ്‌ചേഞ്ച്-അപ്‌ഗ്രേഡ് സാധ്യതകൾ, കുറഞ്ഞ ഉടമസ്ഥാവകാശ ചെലവ് എന്നിവയിലൂടെ ഉപഭോക്താക്കൾക്ക് കൂടുതൽ മൂല്യം നൽകുന്ന വാഹനമായി സെൽറ്റോസ് വീണ്ടും ഈ പഠനത്തിലൂടെ അംഗീകാരം നേടി. ഉപഭോക്താക്കൾക്ക് മികച്ച ഉടമസ്ഥാവകാശ അനുഭവത്തിനൊപ്പം ദീർഘകാല മൂല്യവും ഉറപ്പാക്കുന്ന മൊബിലിറ്റി പരിഹാരങ്ങൾ നൽകുന്നതിൽ കിയ ഇന്ത്യ തുടർന്നും പ്രതിജ്ഞാബദ്ധമാണെന്ന് കമ്പനി അറിയിച്ചു.